Арсовска: Преку квалитетно менаџирање на непродуктивните трошоци јавните претпријатија ќе бидат самоодржливи
Со добро и квалитетно менаџирање и кратење на непродуктивните трошоци ќе ги направиме јавните претпријатија што се под надлежност на градот да бидат самоодржливи, најави независната кандидатка за градоначалник на Град Скопје, Данела Арсовска.
Во гостување на Централниот дневник на телевизијата Сител, Арсовска посочи дека има во план во делот на јавните набавки да ги скрати непродуктивните трошоци кај јавните претпријатија, каде што договорите се склучуваат по цени повисоки од пазарите.
– Ниту едно од јавните претпријатија не смее да се дозволи да не биде одржливо. Тоа значи дека ние не смееме сите оние јавни претпријатија коишто ги прибираат давачките и даноците и сето она коешто е важно во овој момент, а тоа е да даваат додадена вредност на скопјани за услугите коишто треба да им бидат испорачани, а да бидат загубари. Тоа покажува дека до сега, тие не биле добро менаџирани и затоа се загубари. Сите знаеме дека не може нешто да постои во континуитет доколку Градот Скопје, постојано, како и во овој момент, со над 12,5 милиони евра да дотираат во неговиот буџет, за да тоа опстојува, додава таа.
Според Арсовска, граѓаните се сведоци на непродуктивните трошења во Град Скопје, а при тоа платите не се зголемени воопшто.
– Платите на луѓето треба да им се зголемат, меѓутоа непродуктивните трошења се таму каде што прават јавни набавки со значително повисоки цени од оние коишто се пазарни, додава Арсовска.
Таа го обвини актуелниот градоначалник на Град Скопје, Петре Шилегов за склучување неколку договори во екот на изборната кампања, меѓу кои и договор за чистење снег.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп