Асад: Сирија нема ниту хемиско оружје ниту производствени погони
Сирија нема хемиско оружје ниту погони за производство на такво оружје, изјави сирискиот претседател Башар ал Асад за индиската телевизија ВИОН (WION).
Тој за хемискиот напад во градот Хан-Шејхун од четврти април ги обвини САД, западните разузнавачки агенции и терористите.
- Тие тоа го изрежираа само за да имаат изговор за напад врз Сирија, а тоа се случи и неколку денови подоцна, кога го нападнаа аеродромот, посочи Асад.
Тој додаде дека истите тие сакаат повторно да ја сатанизираат сириската држава и нејзиниот претседател, бидејќи тоа е „единствен наслов што може да привлече внимание на јавното мислење, ширум светот“.
Претседателот на Сирија во интервјуто наведе дека воспоставувањето на зони за деескалација е позитивен резултат, но не и политичко решение за сириската криза.
- Веќе се придруживме на тие напори на состанокот во Женева 2014... Но, до сега немавме вистинска политичка иницијатива, која би можеле нешто да произведе, иако на состанокот во Астана постигнати се делумни резултати, преку зоните за деескалација кои беа позитивни, но до сега не може да се наречат политичко решение, потенцира Асад.
Тој додаде дека сириската Влада презеле иницијатива за воспоставување на директен контакт со терористите во некои области со цел за помирување.
- Тие можат да ни го предадат оружјето, а ние можеме да им дадеме амнестија и тоа е нешто што одлично функционира во Сирија, заклучи Асад.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид