Били Ајлиш се извини за „расистичките пројави“ од детството
Били Ајлиш се извини за користењето назив навредлив за луѓето со потекло од Азија и за имитирањето нагласок што на некои им звучеше како „азиски“.
Имено, пред извесно време, на интернет „протекоа“ постари видеа од неа како се труди да го изговори зборот што понеобично и посмешно, и како зборува со, за неа – неприроден нагласок.
„Ве сакам, друштво… Многумина од вас бараа да се осврнам на ова. И ова е нешто на што САКАМ да се осврнам затоа што ме означува како нешто што не сум… Има една видеомонтажа од мене кога имав 13 или 14 години, кога изговорив збор од песна за којшто во тоа време не знаев дека е погрден израз што се користи против азиската заедница… Јас сум згрозена и засрамена што воопшто сум го искористила тој збор. Во оваа песна единствен пат го слушнав тој збор, бидејќи никогаш не бил користен околу мене, од никој во моето семејство. Без оглед на моето незнаење и возраста тогаш, ништо не го оправдува фактот дека тоа беше штетно. И за тоа, жалам“, напиша таа на Инстаграм.
Натаму, таа се осврна и на другото видео во коешто зборува со измислен глас.
„Тоа е нешто што почнав да го правам како дете и го правам целиот мој живот кога разговарам со моите миленици, пријателите и семејството. Тоа е апсолутно глупост и само јас глумам, и во никој случај не е имитација на никого или на кој било јазик, нагласок или култура, НИ НАЈМАЛКУ“, напиша Ејлиш, додавајќи дека најмалку што сакала, е со тоа да предизвика болка кај луѓето.
Ново на Сител
-
Управен суд ја запре постапката за жалбата на коалицијата Вреди
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците