Битола подготвена за отворање на 40-то издание на ИФФК „Браќа Манаки”
Битола е подготвена за свеченото отворање на јубилејното 40. издание на Интернационалниот фестивал на филмската камера „Браќа Манаки“.
Најголем дел од сметувачките капацитети во центарот на градот се исполнети, а резервации може да се најдат во околните хостели.
Престижниот филмски фестивал „Браќа Манаки” оваа година ќе биде отворен со филмот „Болка и слава“ на култниот шпанскиот режисер Педро Алмодовар, кој својата премиера ја имаше на годинешното издание на Канскиот филмски фестивал.
Организаторите објавија дека е готова селекцијата на филмови кои ќе се натпреваруваат за Златна, Сребрена и Бронзена Камера 300 и додадоа дека во годинашната селекција се вклучени повеќе филмови со експлозивна визуелна динамика што ги одразува и надградува идеите на сценаристите и режисерите.
Познат е и составот на стручното жири кое ќе го предводи Едвард Лакман од Соединетите Американски Држави, Ненад Дукиќ од Србија, Доминик Велински од Франција, Калојан Божилов од Бугарија и Фејми Даут од Северна Македонија.
Отворањето на 40-тото издание на фестивалот „Браќа Манаки” е закажано за в сабота, на 14 септември, традиционално во големата сала на НУ Центар за култура-Битола.
Ново на Сител
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук