Данското разузнавање помогнало во американското шпионирање на Меркел и сојузниците од Европа
Данскиот јавен радиодифузер „Данско радио“ (ДР) соопшти дека американската Национална агенција за безбедност (НСА) ги прислушкувала дански набљудувачки интернет кабли за да шпионира политичари и високо позицонирани функционери во Германија, Шведска, Норвешка и Франција.
Информацијата е дека НСА ова го направила преку искористување на надзорната соработка со данската воена разузнавачка служба – ФЕ.
Данското Министерство за одбрана засега не одговори на барањата на медиумите за коментар за овој шпионски скандал што пред неколку години сериозно ги разниша односиоте меѓу САД и Германија.
Данската министерка за одбрана, Трине Брамсен, која на функцијата е од јуни 2019 година, за шпионираењето била информирана во август 2020 година, наведува Данското традио. Таа за ДР изјави дека „систематското прислушување на блиските сојузници е неприфатливо“.
Нејасно е дали Данска ги овластила САД да го користат својот систем за набљудување за да ги шпионираат своите соседи.
ДР ги обелодени информациите по истрагата спроведена заедно со шведската телевизија СВТ, норвешкиот НРК, германскиот НДР, „ВДР Зидојче Цајтунг“ и францускиот весник „Ле Монд“.
Германската канцеларка Ангела Меркел, тогашниот министер за надворешни работи Франк-Валтер Штајнмаер и тогашниот опозициски лидер Пјер Штајнбрук се меѓу политичарите кои биле шпионирани од САД.
Шпионажата била детално опишана во таен внатрешен извештај на работната група на ФЕ со кодно име „Операција Данхамер“ и бил презентиран пред високиот менаџмент на ФЕ во мај 2015 година, тврди Данското радио.
Ново на Сител
-
Монструмот откако ја убил малата Данка седнал да руча во летниковецот
-
Пронајдено бебе во контејнер во близина на Загреб
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното