Детектор анкета: Мнозинството граѓани се за избори по крајот на летото – ако бидат во јуни или јули над една третина нема да гласаат
Половина од граѓаните не се согласуваат со предлогот на власта за избори во јуни, покажува најновата анкета која за Детектор ја спроведе Институтот за политички истражувања Скопје.
Според неа, најголемиот дел од граѓаните или 24,2% сметаат дека изборите треба да се одржат во септември. 22,8% се на ставот дека избори треба да имаме после септември.
Најмал е процентот на граѓани кои сметаат дека изборите треба да се одржат во јуни. Ваков став имаат 15,1% од анкетираните. За избори во јули се 17,6% а за изборен датум во август, 15,8% од анкетираните.
Доколку сепак изборите се одржат во јуни или првата половина на јули анкетата на Детектор покажува дека одѕивот ќе биде многу мал.
Во овој период од годината на гласање велат дека ќе излезат само 48,2% од анкетираните додека дури 35,1% велат дека нема да гласаат.
Ова е значително намалување во однос на тоа колкумина од граѓаните биле подготвени да гласаат пред корона кризата.
74,7% од анкетираните изјавиле дека пред да се појави корона кризата планирале да гласаат на парламентарните избори додека само 18,1% планирале да апстинираат.
Истражувањето на јавното мислење е спроведено телефонски во периодот од 13 до 14 мај годинава, врз репрезентативен примерок од 1108 испитаници со маргина на грешка од плус-минус 3%.
Ново на Сител
-
На ГП Ќафасан спречен шверц на 53,3 килограми марихуана, чија крајна дестинација била Македонија
-
На набљудувач му ги дупнале гумите на автомобилот во Радуша
-
Се гласа во сите избирачки места во Тетово, на две места со употреба на УВ-ламба и отпечаток од прст
-
Во Прилеп до 9 часот гласале 6,69 за претседателските, а 6,52 за парламентарните
-
Кавадарци со 6.22 отсто излезност до девет часот, Росоман со 5.4 проценти
-
Во Демир Капија 10,42 отсто излезност до девет часот
-
Во Велес до 9 часот гласале 6,36 проценти за претседател и 6,29 проценти за пратеници
-
Променливо облачно, попладне дожд, грмежи и град