ДИК ќе расправа за прегласување на избирачко место во Чаир
ДИК попладнево на седница треба да разгледа и усвои решение за повторување на гласањето во избирачкото место 2901 во општина Чаир, од вториот круг на локалните избори што се одржаа на 29 октомври.
Членот на ДИК Субхи Јакупи претходно изјави дека Управниот суд донел одлука за повторување на гласањето на избирачкото место 2901 со образложение дека овој резултат може да влијае врз изборниот резултат. Најави дека гласањето ќе се одржи во недела, 12 ноември.
Разликата во Чаир меѓу Висар Ганиу од ДУИ и Зекирија Ибраими од БЕСА во вториот круг беше 209 гласа, а на избирачкото место 2901 разликата е 66 гласа. На ова избирачко место вкупно се запишани 719 избирачи.
Управниот суд претходно ги одби останатите 15 тужби, што политичките партии ги поднесоа по вториот круг од локалните избори одржани на 29 октомври.
Најмногу тужби против одлуките на Државната изборна комисија до Судот поднесе „Алијанса за Албанците“ – вкупно 11, четири поднесе Беса, а една тужба поднесе Народното движење за Македонија.
Државната изборна комисија на попладневната седница треба да го разгледа и заклучокот за известување за конечност на резултати од гласањето во вториот изборен круг, одржан на 29 октомври 2017 година по донесување на пресуди и решенија на Управниот суд по поднесени тужби за заштита на избирачко право на подносителите на листи на кандидати за соодветните општини.
Ново на Сител
-
Невреме со силен ветар, дожд и град попладнево го зафати кумановскиот регион
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Тема на денот со Миле Маркоски декан на ФЗНХ
-
Приватните специјализанти уште еднаш потсетија за нивните барања за поголеми плати и осигурување
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника