Димитров: Естонското искуство може многу да ѝ користи на Македонија на патот кон ЕУ
Естонското искуство и перспектива од интегративниот процес е многу важно, гледајќи ја трансформацијата што го овозможи процесот и членството во ЕУ. Токму ова искуство, пренесено низ зајакната билатерална соработка во различните сфери може многу да ѝ користи на Македонија на најзиниот пат кон европеизација, порача денеска заменик претседателот на Владата задолжен за европски прашања Никола Димитров по средбата со Сим Калас – претседавач со Комитетот за европски прашања и Марко Михкелсон – претседавач со Комитетот за надворешни работи во естонскиот Парламент во Талин.
Како што соопшти СЕП, Димитров на средбата го презентирал и напредокот во клучните реформски области, со особен фокус на кластерот „Темели“, подвлекувајќи дека Македонија е одлучна дека европските вредности мора да се донесат дома.
-Естонските парламентарци се сложија дека ЕУ треба да ги вложи сите напори за што побрзо да се усвои преговарачката рамка за Македонија, по што би следело одржување на првата меѓувладина конференција, нагласуваат од СЕП.
Вицепремиерот ја поздравил меѓу-парламентарната соработка на двете земји, подвеклекувајќи дека пренесувањето на естонските искуства од интегрирање на ИКТ алатките во работата на законодавниот дом ќе придонесат кон значително унапредување и модернизирање на работата на македонскиот Парламент.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња