Државниот карантин се заменува со домашна изолација, ќе се утврдува протокол за државните граници
Владата попладнево на седница усвои и прецизен протокол за постапување при влез на сите македонски државјани во земјава, согласно кој задолжителен државен карантин за наши државјани кои од странство се враќаат со хуманитарни летови или конвои се заменува со домашна изолација доколку при влегување на територијата на нашата држава приложат негативен ПСР-тест на КОВИД-19 направен во последните 72 часа пред да влезат во земјава.
Од денеска сите лица кои се спроведени во објекти за државен карантин на свој трошок може да направат ПСР-тест во објектот каде што се сместени и доколку резултатот е негативен да бидат упатени во домашна изолација.
Премиерот Оливер Спасовски на прес-конференцијата рече дека на предлог на МНР во соработка со Комисијата за заразни болести е подготвен протокол за странски дипломати акредитирани во земјава и членови на нивните семејства, доколку приложат потврда за негативен ПСР-тест направен 72 часа пред влезот, ќе можат тековно и непречено да ја извршуваат работата без упатување во домашна изолација.
Спасовски рече дека Комисијата за заразни болести е задолжена да направи јасна и прецизна проценка за отворање на државните граници и да подготват протоколи за влез и излез од земјава. Оваа одлука, рече, Владата ја прави во координација со земјите од регионот.
-Со секоја од нив имаме одлична комуникација која најавува дека многу бргу патувањето во регионот ќе биде регулирано во интерес на граѓаните на сите земји. Второ задолжение за Комисијата е да подготви соодветни протоколи за работа на хотели и за начин на работа со посетители и за работа, истакна Спасовски.
Посочи дека македонското здравство реагирало соодветно и навремено и оцени дека добро се справило со КОВИД-19, а сите одлуки на Владата, рече, се носат врз основа на стручни анализи и препораки.
Ново на Сител
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка
-
СПМ: На 8 мај народот ќе ја определи својата иднина и иднината на државата
-
Едeн загинат во сообраќајка на експресниот пат Штип - Кочани
-
На полноќ настапува молк пред вториот круг од претседателските и парламентарните избори на 8 мај
-
Православните верници денеска слават втор ден Велигден и Ѓурѓовден
-
Право на глас на вториот круг од претседателските избори имаат 1.814.317, а на парламентарните 1.815.350