ДЗС: Поповолна состојбата во преработувачката индустрија
Поповолна оценка за економската состојба на фирмите во преработувачката индустрија во август во однос на јули годинава, како и споредено со август лани, изнеле раководителите на фирмите во анкетата за Државниот завод за статистика (ДЗС).
Како што објави ДЗС, очекувањата на раководителите се бројот на вработени да расте. Индикаторот на доверба во преработувачката индустрија, како што оцениле, во август споредено со јули годинава е повисок за 0,4 проценти, а во однос на август минатата година за 1,9 проценти.
- Состојбата на обезбеденоста на производството со порачки во август 2017, во однос на јули 2017 година, е поповолна, очекувањата за обемот на производството во наредните три месеци се поволни во однос на претходниот месец, а залихите на готовите производи сe намалени во однос на јули 2017 година, покажуваат статистичките податоци.
Просечното искористување на капацитетите на фирмите минатиот месец изнесува 65,5 проценти од нормалното искористување.
Најголемо влијание врз ограничувањето на обемот на прозводството имале: недоволната странска побарувачка со 21 процент, недоволната домашна побарувачка со 18,6 проценти, недостигот на квалификувана
работна сила со 18,3 проценти и неизвесното економско опкружување со 12,1 процент.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници