ЕП ракомет 2020: Победа од два и повеќе гола разлика над Австрија не носи во следната фаза
По почетната победа над Украина и вчерашниот пораз од Чешка за македонските ракометари останува потешкиот пат за да стигнат до втората - главна фаза од Европското првенство. Најпрвин беа 60 минути голема борба со Украина и нивните 7 на 6, за потоа да дојде доброто прво полувреме со Чешка, лошиот почеток на вториот дел. Со една победа и еден пораз можеме да жалиме што ние не казнувавме, а противникот го направи тоа пред се Чешка.
Сепак нашите ракометари се вратија и од минус четири негатива во 51.минута на дуелот со Чесоте, но пак подзастанаа во последните минути кога затаи реализацијата,а во целиот натпревар македонските голмани имаа заедно 4 одбрани наспроти 14 на противничкиот Галиа.
Стручниот штаб и ракометарите секако имаа долга вечер и можност низ анализа да се увидат грешките: дали ротациите биле вистинските и во вистинско време, беше ли потребно да се менува Митревски на голот кој имаше блесква партија со Украина, можеше ли Стоилов во финишот од вториот дел да игра барем во нападот како на пример со Украина, особено што Пешевски и Никола Маркоски имаа по едно промашување. Многу отворени прашања, како и тоа можеше ли младиот Мишевски да добие поголема минутажа,...
Сепак тоа сега најважно е добра подготовка за Австрија бидејќи со победа од два разлика и повеќе Македонија е сигурно во следната фаза или пак со нерешен резултат, а Украина потоа да ја победи Чешка. Дека се работи за изедначена група синоќа за тоа ни зборуваше и селекторот на Австрија Алеж Пајович, откако неговиот тим тим ја победи Украина со 34:30 напомена дека повторно нијанси ќе решаваат на последните два натпревара што се играат утре: Македонија - Австрија од 18:15 часот и Чешка - Украина во 20:30 часот.
Од Виена
Марјан Ников
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд