Ер Франс-КЛМ објавија загуби од 2,6 милијарди евра за вториот квартал на годината
Групата Ер Франс-КЛМ која „внимателно“ ја зголемува својата понуда за ова лето во контекст на случувањата што се уште се многу несигурни, забележа нето загуба од 2,6 милијарди евра по речиси нулта ниво на активност во април и мај, јави дописникот на МИА од Париз.
Во јуни, активноста беше 8 отсто во однос на минатата година и компаниите на групата „внимателно го зголемуваат нивниот капацитет за летните месеци“, се вели во соопштението на Групата.
– Видливоста на кривата за реприза на побарувачката е ограничена затоа што однесувањето на резервациите на клиентите е многу повеќе ориентирано кон краток рок отколку пред кризата со Ковид-19, особено на врските на долги релации. Резултатите од вториот квартал одразуваат невидено влијание на кризата на Ковид-19 врз активноста на Групата, изјави главниот извршен директор Бенџамин Смит, наведувајќи дека „мерките за намалување на трошоците и зачувувањето на ликвидноста, што беше брзо спроведено, сепак, овозможи да се намалат оперативните загуби.
Тој додаде дека „исклучителната поддршка од француската и холандската влада им овозможи на Ер Франс-КЛМ да ја има потребната ликвидност за да се соочи со кризата и да обезбеди постепено закрепнување на активностите“.
На 30 јуни, Групата располагаше со 14,2 милијарди евра или кредитни линии, од кои 10,4 милијарди директен или загарантиран заем доделен од Франција и Холандија (7 милијарди од Франција и 3,4 милијарди од Холандија), објасни финансискиот директор на Групата, Фредерик Гагеј.
Раководството на Ер Франс-КЛМ иницираше план за „реконструкција“ на Групата по кризата со Ковид-19 што ќе вклучува намалување од 40 отсто на француската мрежа на летање – во која „Ер Франс“ изгуби 200 милиони евра во 2019 година – и елиминација на 7.580 работни места до крајот на 2022 година, односно 16 отсто од работните места во Ер Франс и 40 отсто од оние на Хоп, која обезбедува домашни врски. Во Холандија, „планот за реструктуирање на КЛМ предвидува значително намалување“ на бројот на работни места и холандската компанија „веќе започна доброволен план за заминување на околу 2.000 вработени (со еквивалентно полно работно време) кои тоа го прифатија пред крајниот рок, соопшти Групата.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд