Ердоган: Ќе се повлечам ако се докаже дека Турција купува нафта од ИД
Турскиот претседател Реџеп Тајип Ердоган синоќа изјави дека ќе поднесе оставка на функцијата, доколку се докажат обвинувањата оти Турција купува нафта од џихадистичката група Исламска држава (ИД).
- Ви кажувам сосема отворено. Ако се докажат таквите тврдења, нема да останам на функцијата, изјави Ердоган во Париз, каде учествуваше на почетокот Конференцијата за климатските промени (КОП21).
Ердоган при тоа праша дали и рускиот претседател Владимир Путин е подготвен да поднесе оставка, ако се докаже дека Турција не купувала нафта од ИД.
- Го прашувам уважениот Путин дали тој ќе остане (на функцијата), додаде Ердоган.
Ваквата изјава на Ердоган претставува реакција на тврдење на повеќе руски официјални претставници дека Турција на црниот пазар купува нафта по потекло од деловите на Ирак и Сирија под контрола на ИД, со што директно ги финансира терористите.
- Сите знаат од кого ние купуваме нафта. Американското Министерство за финансии соопшти дека меѓу оние кои купуваат нафта од ИД е и државјанин на Сирија и Русија. (Путин) прво нека одговори на тоа, додаде Ердоган.
Турскиот претседател нагласи дека Анкара не очекува прекин на односите со Москва, додавајќи дека Турција е „благородна држава, која дејствува трпеливо“.
- Ќе видиме прво што ќе направат тие, па дури тогаш ќе дејствуваме, истана Ердоган.
Ново на Сител
-
Обид за атентат врз словачкиот премиер по состанок на Владата
-
Нетанјаху ја отфрли Резолуцијата на ОН за поддршка на признавањето на палестинската држава
-
Часовници на Шумахер продадени на аукција за 4,1 милион евра
-
Намалени производството и продажбата на шумски производи
-
Тинејџерка со автомобил излетала од патот, тешко повредена сопатничката
-
За 216,2 отсто зголемени откупот и продажбата на земјоделски производи
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман