Гебрејесус: Масовната употреба на трета доза вакцина против коронавирус е скандалозна
Генералниот директор на Светската здравствена организација (СЗО), Тедрос Аданом Гебрејесус, ја критикуваше масовната употреба на трета доза на вакцина против коронавирус во услови на ниско ниво на вакцинација во земјите со низок приход по глава на жител.
За време на денешниот брифинг во Женева, тој го опиша како скандалозен фактот што дневниот број на испорачани засилувачки вакцини е шест пати поголем од бројот на луѓе кои примиле прва доза во земјите со ниски приходи.
Според него, „нема смисла да се даваат трети дози на здрави луѓе или да се вакцинираат деца кога, истовремено, здравствени работници, повозрасни лица и луѓето од други ранливи групи сè уште ја чекаат својата прва доза“. Исклучок се луѓето со ослабен имунитет.
Гебрејесус нагласи дека „земјите со највисоко ниво на вакцинација продолжуваат да складираат уште повеќе вакцини против Ковид-19, додека земјите со ниски приходи продолжуваат да чекаат“.
Има само две земји во светот кои се уште не започнале со вакцинација – Еритреја и Северна Кореја.
Генералниот директор на СЗО потсети дека организацијата има поставено цел до крајот на оваа година да достигне најмалку 40 отсто вакцинирано население против коронавирус во сите земји низ светот.
Ново на Сител
-
Струга: Агресивно се однесувал во казино, па го нападнал обезбедувањето - Кривична за 33 годишен маж
-
Wing Chun Надеж за Иднината | Si-Fu Ѓоре Костовски | Личен развој | Sitel Podcast 060
-
Гаснењето на пожарот во Чаир отежнато поради големата количина запаливи материјали
-
Без вода утре корисниците од „Мишко Михајловски“ и дел од „Франклин Рузвелт“
-
23-годишен гостиварец лажно пријавил дека му извадиле нож, поденесена му е кривична пријава
-
ЈО: Материјалот за случајот со поранешната министерка за култура е пристигнат и се проучува
-
Папата го прогласи 7 октомври за ден на пост и молитва за мир
-
Борис Кондарко избран за претседател на ДИК