Граѓани од населби од Куманово бараат сопственици и општината да ги отстрани нефункционалните возила оставени на улици
Граѓаните од неколку населби од Куманово бараат несовесните сопственици на хаварисани возила да ги отстранат од улиците за да може непречено да се одвива сообраќајот и да се зголеми безбедноста на пешаците. На подрачје на градот, комуналната инспекција регистрирала 80-тина нефункционални возила, информираа денеска од инспекцијата. Вакви возила има насекаде во градот, оставени на зелени површини, на јавни површини.
– Минатата година заедно со СВР Куманово на територија на градот лоциравме околу 80-ина возила. За оваа година во процес сме заедно со јавното претпријатие Куманово паркинг за подигање на возилата и отстранување на одреден простор. Комуналниот инспектор составува записник и издава решение за отстранување. По определениот рок ако граѓанинот не постапи по издаденото решение комуналниот инспектор издава решение на давателот на услуга Куманово паркинг заедно СВР и го носат на место предвидено од општината. По истекот на 30-ина дена ако сопственикот не се јави согласно законот возилото се отуѓува. Согласно одлуката за комуналниот ред и Законот за јавна чистота се забранува оставање на хаварисаните возила на јавните површини и на зелените површини и се изрекува мандатна глоба од 50 евра, изјави, комуналниот инспектор од општина Куманово Владислав Трајковски.
Граѓаните од населбата „Гоце Делчев“ велат дека има поголем број на нефункционални возила кои ’рѓосуваат, паркирани се на тротоари, на улици и бараат од сопствениците, но и од локалните власти да ги отстранат.
Ново на Сител
-
Обид за атентат врз словачкиот премиер по состанок на Владата
-
Нетанјаху ја отфрли Резолуцијата на ОН за поддршка на признавањето на палестинската држава
-
Часовници на Шумахер продадени на аукција за 4,1 милион евра
-
Намалени производството и продажбата на шумски производи
-
Тинејџерка со автомобил излетала од патот, тешко повредена сопатничката
-
За 216,2 отсто зголемени откупот и продажбата на земјоделски производи
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман