Грант од 61 милион денари за подобрување на општинските услуги за 12 општини
На 12 општини им се доделени грант – средства од 60.895.919 денари преку Проектот за подобрување на општински услуги (МСИП), што го спроведува Министерството за финансии со поддршка на Светска банка.
Средствата се наменети за 14 општински проекти како што се изградба на училиште, реконструкција на постојно училиште, набавка на опрема за градинка, набавка на опрема за детско игралиште, изградба и реконструкција на патна инфраструктура, набавка на професионални возила и мултифункционални машини.
Корисници се општините Кисела Вода, Крушево, Центар, Гостивар, Ѓорче Петров, Кривогаштани, Шуто Оризари, Ресен, Кочани, Желино, Студеничани и Чучер Сандево.
Со грантовите ќе се поддржи изградба на училиште во Церово во општина Желино, реконструкција на основното училиште „Мите Богоевски“ во населеното место Болно во општина Ресен, набавка на опрема за изградба на детско игралиште во општина Шуто Оризари и набавка на опрема за градинката „Пепелашка“ во општина Центар. Во Кисела Вода, Чучер Сандево и Студеничани ќе се изврши реконструкција на локални улици, а во Кочани средствата се наменети за регулација на Кочанска река. Во останатите општина средствата ќе се користат за набавка на општинска механизација и машини.
Преку реализација на овие проекти директна корист ќе имаат близу 220 илјади жители од овие општини.
Грант-средствата ги доделува Светска Банка за претходно успешно реализирани проекти преку МСИП на општините. Целта на проектите е подобрување на услугите на општините и условите за живот на населението преку проекти за подобрување на локалната инфраструктура.
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија