Грчкото МНР го следи случајот со киднапираниот грчки морнар во Того
Министерството за надворешни работи на Грција внимателно ги следи случувањата со киднапирањето на грчкиот морнар во Того и ќе продолжи да ги следи, за да ги олесни акциите што ќе доведат до негово што е можно поскоро безбедно враќање, се наведува во соопштението на МНР.
Како што јави дописничката на МИА од Атина, за инцидентот веднаш била известена Амбасадата на Грција во Абуџа, што е надлежна за Того, која ги известила властите на Того, а биле известени и амбасади во Тбилиси и Манила, со оглед на тоа дека останатите тројца киднапирани се државјани на Грузија и Филипини.
Паралелно, Единицата за управување со кризи во од грчкото МНР е во постојана комуникација со компанијата сопственик на бродот, како и со семејството на киднапираниот.
Според грчките медиуми, сѐ уште е непознато дали киднаперите стапиле во контакт со компанијата за евентуално барање откуп за ослободување на четворицата морнари.
Таткото на 20-годишниот киднапиран Грк за медиумите изјави дека од бродската компанија ги известиле дека прават сѐ што можат, но никој од киднаперите не стапил во контакт.
На 4 ноември, беше извршен вооружен напад врз танкерот под грчко знаме „Елка Аристотелис“ што бил закотвен во главниот град на Того, Ломе и биле киднапирани четири од 24 членови на екипажот. Еден е грчки државјанин, двајца се од Филипини и еден од Грузија.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување