Играчките за деца најчесто пријавувани како токсични во ЕУ
Европската Комисија утрово го презентираше годишниот извештај за безбедноста на производите присутни на пазарот во ЕУ, и според овој извештај играчките за деца најчесто биле пријавувани до властите како ризични или опасни.
Секоја година Европската Комисија информира кои производи на пазарот (вон прехранбените) се пријавувани во земјите членки на ЕУ како опасни. Оваа година е забележан значаен раст на пријавите за производи поврзани со Ковид-19, како заштитни маски и гелови за дезинфекција кои содржат токсични супстанци.
Најчесто пријавувани производи се играчките за деца со 27 отсто од вкупниот број пријавени производи во ЕУ, Норвешка, Лихтенштајн, Исланд и Обединетото Кралство. Следуваат моторните возила и електрична опрема.
Според анализата, пријавените производи во 25 отсто случаи се однесуваат на опасност од физичка повреда, потоа на хемиските компоненти, а на трето место е опасност од задушување за децата.
Еврокомесарот за правда Дидие Рејндерс го пофали заедничкиот систем на ЕУ за пријава на опасни производи познат како Сејфти Гејт.
-Со заштитни алатки како оваа ги обезбедуваме и понатаму правата на потрошувачите, изјави Рејндерс.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера