Истражување: Со намалување на загадувањето може да се спречат околу 50 илјади смртни случаи во Европа
Ограничување на загадувањето на воздухот до препорачаните нивоа на СЗО може да спречи 50.000 предвремени смртни случаи годишно во Европа, се наведува во студијата објавена во списанието Лансет Планетари Хелт (Lancet Planetary Health).
Научниците споредија повеќе од 800 градови со ризикот од рана смрт предизвикана од два вообичаени загадувачи – азот диоксид – од автомобилите, и ситни честички од прашина, како што се чад, прашина и саѓи.
Компаративните графикони ја покажуваат состојбата на градовите и податоците за квалитетот на воздухот.
„Градовите се центри на загадување на воздухот“, нагласи водачот на студијата Марк Њуанжан од Институтот за глобално здравје во Барселона. Тој додаде дека се надева оти нивното истражување ќе им помогне на луѓето да ја сфатат опасноста од „тивкиот убиец“.
Истражувачите користеле специфични податоци за квалитетот на воздухот за секој град за да пресметаат колкав процент на смртни случаи може да се припише на изложеност на азот диоксид и честички од ситна прашина.
Околу 51.000 предвремени смртни случаи од ситни честички и 900 од азот диоксид може да се спречат годишно ако загадувањето спаѓа во стандардите на СЗО. Во просек, 84 проценти од градското население е изложено на препорачаните нивоа на СЗО за честички и девет проценти за азот диоксид. Препорачаната граница на СЗО за ПМ2,5 честички е 10 микрограми/ м3.
Мадрид е на врвот на списокот на жртви на азот диоксид со седум проценти смртни случаи предизвикани од тој загадувач. Следат Антверпен, Торино, Париз и Милано. Градовите во долината на реката По во Италија, јужна Полска и источна Чешка имаат најголем ризик од смрт поради загадувањето на воздухот со ситни честички прашина од индустријата или греењето. Северноевропските земји како Исланд, Норвешка и Шведска имаат градови со најмала смртност поради загадувањето на воздухот.
Околу седум милиони луѓе умираат предвреме во светот годишно од загаден воздух.
Студијата се фокусира на скриените ефекти врз здравјето на урбаното загадување на воздухот. Експертите ги повикуваат градските власти да преземат мерки за намалување на употребата на фосилни горива, промовирање на „зелен“ транспорт и инвестирање во зелени површини.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња