Јапонец намерно ширел Ковид-19
Маж од јапонскиот град Гамагори, откако открил дека е заразен со новиот коронавирус, одлучил да го шири, пишува британски „Индепендент“.
Иако немал никакви симптоми на вирусот, тој бил тестиран затоа што неговите родители се разболеле и било открило дека е заразен, поради што му било советувано да остане дома сè додека не биде сместен во здравствена установа. Меѓутоа, наместо да замине во изолација, тој решил да оди во локалните барови и на еден член на семејството му кажал дека ќе го шири вирусот.
Прво се возел со такси и отишол во еден бар, а потоа отишол во друг каде се напил неколку пијалаци и јадел, а во напад на искреност, му признал на еден гостин дека има коронавирус.
Загрижениот граѓанин тогаш ги предупредил вработените во кафулето, кои веднаш повикале епидемиолози, а набргу пристигнале и полицајци во заштитни одела, но заразениот човек веќе си отишол дома со такси.
Еден ден подоцна тој бил ставен во карантин, а двата барови биле дезинфицирани и нивниот персонал бил испратен на тестирање.
Градоначалникот на Гамагори, Тошијаки Сузуки им се извини на граѓаните, посочувајќи дека е тажно што човекот не останал дома и не се придржувал до лекарските совети.
Ново на Сител
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка