Јапонија размислува да купи 500 ракети Томахавк до 2028 година
Јапонија може да купи до 500 американски крстосувачки ракети „Томахавк“ во фискалната година што завршува во март 2028 година и да го забрза подобрувањето на своите способности за контранапади, објави денеска весникот Јомијури.
Главниот секретар на кабинетот Хироказу Мацуно рече дека се уште ништо не е решено.
Јапонија планира да ја преиспита својата стратегија за национална безбедност и другите клучни одбранбени позиции до крајот на годината.
Токио веќе ги објави плановите за проширување на дострелот на своите копнени проектили како дел од новата стратегија. Тоа ќе и овозможи на јапонската војска да напаѓа далечни цели на море и на копно.
„Томахавк“ можат да погодат цели оддалечени повеќе од 1.000 километри – дострел што може да погоди делови од Кина и рускиот Далечен Исток.
Бизнис дневниот весник Никеи овој месец објави дека Јапонија исто така размислува да распореди суперсонични ракети до 2030 година за да ја зајакне својата способност за одвраќање.
Ново на Сител
-
Уапсен врховниот судија Наке Георгиев фатен на дело со 10,000 евра мито
-
Приведен судија од Врховен суд за примање поткуп
-
Тема на денот со Срѓан Керим
-
Преговорите за Влада во напредна фаза, ВМРО-ДПМНЕ инсистира на квалитетни кадри од албанскиот партнер
-
Во среда прегласување на седум избирачки места, од полноќ изборен молк
-
Предупредувања од Европската Комисија за Преспанскиот договор
-
Владата не дава 100 евра по жител, пораките се лажни!
-
Смртни закани и за градоначалникот на Кавадарци