Кривична пријава за стружанец за бесправно градење
Поради постоење основи на сомнение за сторено казнено дело „бесправно градење“, полициската станица од Струга поднесе кривична пријава против М.Ќ. (56) од струшкото село Биџево.
Пријавениот, како што соопшти СВР Охрид, во текот на август оваа година, без одобрение за градење, продолжил со градба на туристичко-угостителски објект во местото викано „Еленско“ во близина на хотелот „Макпетрол“ кај струшкото село Калишта.
Портпаролот на СВР Охрид Стефан Димоски информира дека се работи за доградба на 11 единечни објекти, бесправно започнати со градба во 1993 година, кои пријавениот сакал да ги догради и да прикаже дека се изградени пред 2011 година со цел да ги легализира согласно Законот за постапување со бесправно изградените објекти кој важи за објекти изградени пред 2011 година.
- На 23 август годинава, градежен инспектор на општина Струга, извршил инспекциски надзор на објектите градени на државно земјиште при што било констатирано дека инвеститор на доградбите е сега пријавениот и дека градбите немаат градежно техничка документација и одобрение за градба. Во записникот е наведено дека во 1993 година, од страна Републичкиот инспектор за градежништво и урбанизам е донесено решение за запирање на бесправно започнатата градба како и решение за уривање на дополнително изградените делови од објектот, изјави Димоски.
Од увидот во имотниот лист, било утврдено дека оваа катастарска парцела кај Калишта е предмет за денационализација, по барање на МПЦ-Манастир „Св. Богородица“.
Ново на Сител
-
Пукање на автопатот Тетово - Скопје
-
Рибочуварка на Тиквешко Езеро физички нападната од три лица
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот