Курти: Избори ќе има во јули во Македонија, треба да се организираат и во Косово
Вршителот на должноста премиер на Косово Албин Курти денеска повторно се заложи за вонредни парламентрни избори во неговата земја, наведувајќи неколку држави во кои тие ќе се одржат во наредните месеци, меѓу кои и Северна Македонија која, според него, ја чекаат избори во месец јули, јави дописникот на МИА од Приштина.
Во објава на Фејсбук по повод два месеци од изгласувањето недоверба на неговиот кабинет во Собранието на Косово, Курти повторно се спротивстави на формирање нова влада од постоечкиот парламентарен состав, нагласувајќи дека единствено решение во оваа ситуација се парламентарните избори.
Во очекување на одлуката на Уставниот суд, која треба да биде донесена до 29 овој месец, за уставноста на доделувањето на мандатот за формирање нова влада од страна на претседателот на државата Хашим Тачи на второрангираната партија на последните избори, Демократскиот сојуз на Косово, Курти порача дека „по здравјето на населението и на стопанството, во прашање е и здравјето на демократијата“.
– Денеска се навршија два месеци од изгласувањето недоверба. На 25 март на здравствената се надодаде и политичка криза. Меѓутоа ние се изборуваме. Вчера беше првиот ден, од 13 март, без заразени од коронавирусот. Институционален грч? Не е вистина. Несогласувања има, но има и решение. Согласно нашиот Устав, потребни се нови избори. Тие веќе се одржуваат низ Европа. (…) Избори ќе има во јуни во Исланд, Франција и Србија, додека во јули во Северна Македонија, Шпанија и Хрватска. Треба да имаме (парламентарни) избори и ние во Косово, а и локални во Подујево. Дури, може и во исто време, напиша Курти.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o