Макрон: Турција останува многу важен партнер на ЕУ

Турција останува важен партнер на Европската унија и врските треба да бидат сочувани, и покрај тоа што земјата во последно време се движи во непосакуван правец, изјави францускиот претседател Емануел Макрон во интервју за денешното издание на грчкиот весник „Катимерини“.

- Реално гледано, Турција се оддалечува од Европската унија во текот на последните месеци и ја премина границата, на начини кои не можат да се игнорираат, посебно што се однесува на царинската унија, оцени францускиот претседател.

Макрон, сепак, истакна дека тој не би сакал да дојде до разделување, бидејќи, Турција е „клучен партнер во многу кризи пред кои сме исправени, посебно предизвиците кои произлегуваат од миграциските бранови и терористичката закана“.

Коментарот на Макрон доаѓа по изјавата на германската канцеларка Ангела Меркел, дадена во неделата, дека преговорите на Турција за членство во ЕУ треба да прекинат.