-->
-->
Медведев: Причините за оставката се реформите и временскиот фактор
-->
Поранешниот руски премиер Дмитриј Медведев изјави дека поднел оставка поради потребата од спроведување на политички реформи во земјата и поради временскиот фактор.
Медведев за руската државна телевизија изјави дека првата и најважна работа што му ја кажал на претседателот Владимир Путин на состанокот на 15 јануари е дека пораката на Путин за промена на Уставот опфаќа многу амбициозни задачи за политичкиот систем, кои до одреден степен ја менуваат рамнотежата на моќта во земјата.
– Тоа се однесува на владата, парламентот, делумно претседателот, на правосудството. За да ги донесе сите тие одлуки, претседателот мора да биде апсолутно слободен да дискутира и да презема мерки дејства без оглед на кој било друг фактор, вклучувајќи ја и владата, рече Медведев.
Втората причина, според него, било времето, бидејќи тој бил премиер речиси осум години.
– Ова, на крајот на краиштата, беше многу долга и комплицирана работа поврзана со донесување одлуки за многу комплицирани прашања. Тоа, исто така, треба да се земе предвид, рече Медведев.
Медведев во иднина ќе биде заменик-шеф на Рускиот совет за безбедност, со кој претседава Путин.
Државната Дума на Русија ја потврди кандидатурата на поранешниот началник на Федералната даночна служба Михаил Мишустин за нов премиер на Русија. Тој ќе го наследи Дмитриј Медведев, кој поднесе оставка, откако Путин предложи измени во Уставот
-->
-->
-->
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава