Министерот Чулев во посета на ОВР Кавадарци и РЦ Југ
Министерот за внатрешни работи Наќе Чулев денеска го посети ОВР Кавадарци и Регоналниот центар за гранични работи Југ.
На состанокот со старешинскиот кадар на ОВР Кавадарци и со началникот на СВР Велес се разговарало за безбедносната состојба на станичното подрачје и за вообичаените тековни активности.
Во соопштението од МВР стои дека министерот Чулев посочил за зголемена ефикасност и превенирање на кривичните дела поврзани со личната сигурност на граѓаните и нивните имоти.
– Исто така, беше дадена насока за навремено подготвување за изборниот процес и собирање информации за намери на нарушување на изборите. За време на посетата на РЦ Југ министерот беше брифиран за моменталната состојба на границата со Грција долга 256 километри во однос на илегалната миграција и шверцот на добра, како и соработката со полициските службеници од пријателските земји кои и помагаат на нашата полиција за обезбедувањето на јужната граница, стои во соопштението од МВР.
Со оглед на тоа дека Собранието ја продолжи кризната состојба, министерот Чулев го потенцирал значењето и работата на овој регионален центар во спречување нови бранови на илегални мигранти, земајќи ја в предвид состојбата во земјите на потекло на лицата кои вообичаено ја користат територијата на нашата држава за транзит.
Ново на Сител
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор