Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
Кога разговараме со партиите за коалиција најважна беше програмата дали ќе се најдеме околу истата. Утре ќе биде потпишување на коалицијата, рече Влади Мисајловски, потпретседател на ВМРО-ДПМНЕ на денешното гостување во Тема на денот што се емитува во рамки на централниот Дневник на телевизија Сител.
Мисајловски посочи дека се разговара со најквалитетните луѓе и оти тие се предложат за соодветни места.
„Ние не зборуваме само кој ќе има министер, туку дали ќе се има капацитет да ги спроведе проектите. Нас најважна ни е работата, реализација на проектите“, кажа Мисајловски.
Потпретседателот се осврна и на прашањето за балансерот.
„Сите кои велат дека се за ЕУ, а се за балансерот тие сами се негираат. Причината поради која бараме укинување на балансерот е да се стават соодветни лица на соодветни места. Треба да се вработуваат само најквалитетните“, изјави Мисајловски.
Говорејќи за ЕУ, Мисајловски посочи дека последната опција за евроинтеграцијата значеше ќорсокак за Македонија.
„ВМРО-ДПМНЕ нема да прифатни ниту еден ултиматум, ни од внатре, ни од надвор. Ние сакаме да ги смениме работите на подобро“, кажа Мисајловски.
Мисајловски посочи дека програмата за претстојните избори на ВМРО-ДПМНЕ е реална.
„За пензионерите ќе има 5.000 денари зголемување на пензиите, бидејќи едвај преживуваат. Потоа власта фрли околу 300 милиони евра наводно за автопати, а автопатите ги нема. Сите непродуктивни трошоци ќе пробаме да ги скратиме и да ги пренасочиме онаму каде што требаат“, рече Мисајловски.
Центар за комуникации на ВМРО-ДПМНЕ
Ново на Сител
-
Не се срамев од работа, успеав на село со свој бизнис | Сања Димковска | Sitel Podcast 041
-
Тројно убиство во Србија: 22 годишник со ловечка пушка ги убил татко му, дедото и бабата
-
МЗ: Владата усвои информација за состојбата во хируршките клиники, се укажува да се замени опремата на централната компресорска станица со нова
-
Во полициска акција во шест европски земји уапсени 17 членови на албанска нарко организација
-
Тешко повреден работник во фирма во Скопје
-
Финансиска и логистичка поддршка за македонскиот олимписки спорт од меѓународните олимписки организации
-
239 куршуми одземени од кичевчанец
-
Малолетно девојче нападнато и ограбено во Аеродром