Мурињо: Бејл мора да заработи минутажа со добри тренинзи
Тренерот на Тотенхем, Жозе Мурињо му порача на Герет Бејл повеќе да тренира и на тој начин да се избори за повеќе време на натпреварите.
Фудбалерот одигра само четири натпревари во Премиер лигата откако се пресели од Реал Мадрид на позајмица во септември 2020 година.
– Не можам туку така да им дадам време на играчите. Знаеме дека Герет беше во проблеми последните неколку сезони. Сега е важно за него да тренира доследно и ефикасно. Кога фудбалер редовно вежба, тогаш е подготвен за натпревари. Така заработува минути на теренот. Бејл ќе игра кога ќе почувствува дека имал навистина продуктивна недела на тренинг, изјави Мурињо за „Ројтерс“.
Триесет и едногодишниот Бејл на четирите натпревари на кои доби шанса за настап, постигна еден гол.
Вечер од 20:45 часот Тотенхем ќе игра во ФА купот со Вајкомб.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228