Надојде Поројска река, еден мост однесен, друг сериозно оштетен
Еден дрвен мост е целосно однесен, а уште еден е сериозно оштетен по невремето што го зафати Полошко поради што надојде Поројска река, информираше портпаролот на СВР Тетово, Марјан Јосифовски.
Овие два дрвени мостови кои минуваат низ селото Порој беа целосно реконструирани од страна на инженерските единици на АРМ по поголемите поплави што го зафати регионот во 2015 година.
Освен овие мостови засега во тетовската полиција нема пријавено друга материјална штета и нема пријавени повредени лица од последиците од невремето.
Поради излевањето на Поројска река со наноси кал, земја и камења во висина од метар до метар и половина е прекинат сообраќајот на регионалниот пат Тетово-Јажинце на мостот од Поројска река што минува под патот.
Екипи на тетовската локална самоуправа, Центарот за управување со кризи, Дирекцијата за заштита и спасување и полицијата заедно со потребната механизација се на терен и се преземаат мерки за отстранување на наносите и санирање на последиците од невремето и нормализирање на сообраќајот на регионалниот пат Тетово-Јажинце што минува покрај Порој, а кој сега е во прекин и се пренасочува по други сообраќајници, потврди Јосифовски.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска