Насилни протести во Атина поради посетата на Обама
Припадниците на специјалните единици на грчката полиција синоќа употребија солзавец и шок бомби за да растераат околу 3.000 демонстранти, приврзаници на екстремната левица, кои протестираа во Атина поради посетата американскиот претседател Барал Обама на Грција.
Како што јавија грчките медиуми, при судирите една жена е полесно повредена, а четири лица се приведени.
Судирите почнаа кога група млади лица со мотоциклистички кациги и гас маски и вооружени со дрвени плаки и молотови коктели, се обидоа да го пробијат полицискиот кордон и да се упатат кон зградата на Амбасадата на САД во Атина.
По неуспешниот обид да го пробијат кордонот, демонстраните се повлекоа кон комплекост на атинскиот Политехнички универзитет, каде повторно се судрија со полицајците врз кои фрлаа молотови коктели.
Организатори на протестите беа неколку екстремно левичарски и анархистички групи, иако властите претходно забранија одржување на демонстрации за време на посетата на Обама.
Во исто време, околу 5.000 приврзаници на Комунистичката партија на Грција (ККЕ) се собраа на посебен мирен протест во центарот на Атина против посетата на Обама. Во обраќањето на собирот, лидерот на партијата Димитрис Куцунбас оцени дека посетата на Обама претставува „провокација“.
Во организација на ККЕ мирен протест против посетата на Обама се одржа и во Солун, на кој присуствуваа околу 1.000 лица.
Дводневната посетата на Обама на Грција, што започна вчера, се одржува на два дена пред одбележувањето на годишнината од студентскиот бунт на атинскиот Политехнички униветзитет во 1973 година против воената хуната во Грција, која беше сесрдно поддржувана од САД. По традиција, на тој ден во организација левичарските организации во Грција се одржуваат антиамерикански протести.
Ново на Сител
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции
-
Михаил Гацов освојува злато за Италија и сонува да се бори за Македонија
-
Директорката Иљази им забрани на вработените да даваат изјави за медиумите
-
Безживотно тело на маж извлечено од водите на Вардар во центарот на Скопје
-
Земјоделци од селата Иловица и Штука го блокираа патот заради ниските откупни цени на младиот компир
-
Намален бројот на превезени патници во патниот сообраќај во првиот квартал