Првата вакцина против маларија пуштена во оптек во Малави
Светска здравствена организација (СЗО) го поздрави пуштањето во оптек на првата вакцина против маларија во Малави.
Тоа е прва од трите држави во Африка, каде вакцината позната како РТС,С, ќе биде достапна за деца до двегодишна возраст. Следните неколку недели и Гана и Кенија ќе ја воведат вакцината РТС,С.
Маларијата е една од најсмртоносните болести во светот. Секои две минути починува едно дете од маларија. Најголемиот број смртни случаи се во Африка каде над 250.000 деца умираат од маларија секоја година.
Децата под пет години имаат најголем ризик од заболување или компликации од болеста. Во одредени делови од светот маларијата убива околу 435.000 луѓе годишно, а поголемиот број од нив се деца.
Триесет години од откривањето на вакцината РТС,С е единствена вакцина која е ефикасно средство за намалување на стапката на заболени деца од маларија.
Клиничките истражувања покажуваат дека вакцината спречува четири од 10 случаи на маларија.
Ново на Сител
-
На преговорите во Каиро поканета и израелска делегација
-
Недовршен портрет од Густав Климт, продаден за 30 милиони евра
-
ПМФЛ: Неочекуван пораз на Струга
-
Манчестер јунајтед подготвен да потроши 80 милиони евра за Араухо
-
Партиите бараат од граѓаните масовно да излезат на гласање на 8 мај, ВМРО-ДПМНЕ се изјасни дека би формирала влада со Вреди
-
Комисијата за осигурување од автомобилска одговорност ќе одлучува за поскапувањето на полисата
-
Учениците на пролетен распуст, наставата ќе продолжи на 7 мај
-
Блинкен во посета на Саудиска Арабија, Јордан и Израел