Два силни земјотреса ја погодија Колумбија

Два земјотреса со интензитет од шест и 5,8 степени според Рихтерова скала се регистрирани денеска во централниот дел на Колумбија, на околу 150 километри од главниот град Богота.

Веднаш биле активирани сирените за евакуација во Богота. Потресите се случиле околу 14 часот по локално време, кога луѓето се наоѓале во своите домови поради денешниот празник. Стотици граѓани во паника излегле на улиците, но засега нема информации за евентуални жртви и причинета материјална штета.

Еден жител на Богота изјави дека „земјотресите биле многу силни, а при враќањето во својата куќа е почувствуван и трет потрес“.