Се чека планот на МОН за учебната година
Министерот за образование и наука Арбер Адеми на својот фејсбук-профил објави дека е негативен на коронавирусот и дека од денеска им се враќа на работните активности. Како што беше најавувано во изминатиот период, на 10 август МОН треба да ги соопшти протоколите за реализирање на трите видови настава во зависност од епидемилошката состојба – со физичко присуство, онлајн-настава и комбинирана.
-Конечно заврши предизвикот со КОВИД-19. По две негативни последователни тестирања, од утре се враќам на активностите и многуте работи што се пред нас. Сакам да упатам порака до сите вас да бидете внимателни, да носите маски и да држите растојание. Благодарам од срце за изразената грижа, со вас ми беше многу полесно, напиша министерот на Фејсбук.
Адеми во петокот изјави дека зелено светло за модалитетите, како што рече, е дадено од Комисијата за заразни болести со кои во детали ги разработиле, добиле ставови и од СОНК и дека овие денови се очекува нивното финализирање. Додаде дека има доволно време до 1 септември навреме да се организира почетокот на 2020/2021 година и сите училишта да се подготват за спроведување на протоколите.
– Следна фаза е уште еднаш протоколите да се разгледаат во Комисијата и потоа на седница на Влада да се одлучи кој модел конкретно би се активирал за кои околности и во која епидемиолошка состојба. Имаме време пред нас. Преовладува позитивно мислење и во Kоординативниот кризен штаб и во Владата, но и во образовните институции, учебната година да почне со физичко присуство. Не прејудицираме, се разгледуваат сите можни опции, ги имаме протоколите за сите модели на настава кои се подготвуваат низ инклузивен пристап со консултација на сите засегнати страни за да имаме издржани решенија, рече Адеми во петокот.
Ново на Сител
-
Пронајдени траги од дрога во тоалетите во Парламентот на Финска: Покажала анализа на Финскиот јавен радиодифузен сервис
-
Двајца велешани повредени откако со автомобил удриле во наплатната станица „Сопот“
-
Во Кочани малолетници биле заглавени во снег па извлечени и предадени на родителите
-
Нападнат контролор на ЈСП „Скопје“
-
Осум министерства, Заводот за статистика и Државниот архив утре на протест
-
Украл куче па бегајќи го удрил сопственикот со возило
-
Шекеринска: Во овој понестабилен и поопасен свет, демократиите мора да преземат акција
-
Меџити: Имаме забелешки за работата на Илире Даути, но не поддржуваме иницијативи од Левица