Во Албанија рекордна бројка на оздравени од Ковид-19 во едно деноноќие

Во Албанија регистрирана е рекордна бројка на оздравени лица во едно деноноќие до сега и за првпат бројот на оздравени е повисок од оној на новозаразени со Ковид-19.

– Во изминатите 24 часа од направените 865 тестови регистрирани се нови 156 случаи со Ковид-19, за жал починаа четворица пациенти, додека добра вест е рекордната бројка на оздравени или 158 што е највисока бројка до сега во едно деноноќие, соопшти Министерството за здравство и социјална заштита.

И понатаму главни жаришта на болеста се Тирана со 101 и Драч со 12 од новозаразените лица.

Во оваа земја до сега се направени 59.617 тестови, позитивен резултат е добиен кај 9.083, оздравеле 4.791, починале 266 додека активни на болеста се 4.026 лице. И понатаму расте бројот на лицата на кои им е потребно болничко лекување. Моментно во двете ковид болници хоспитализирани се 168 или четворица повеќе од вчера, при што 21 од нив се во тешка состојба.