Градоначалникот на Делчево апелира граѓаните да не се движат низ шумските подрачја
Делумно е локализиран пожарот кај Нов Истевник, кој се закануваше да го проголта маалото Пасјак, соопшти Општина Делчево.
Согласно последните информации, кај најзагрозената населба пожарот е пресечен, спасени се куќите, но и по 24 часа, сè уште гори кај месноста Бајаз Тепе, а опожарена е борова шума, јасика и ниско стеблести растенија на површина од 30 хектари.
-Во акцијата се вклучени над 120 луѓе. Ангажирани се и Просторните сили на Општина Делчево, ТППЕ на Делчево и Македонска Каменица, екипи од ЈКП „Брегалница“ и ЈП „Национални шуми“, Гранична полиција, локално население, а од утрово во гаснењето на пожарот се ангажирани и припадници на АРМ, информираат од Општината.
Градоначалникот Горан Трајковски, кој синоќа, но и од утрово е на опожареното подрачје, испрати апел до граѓаните да не се движат низ шумските подрачја без дозвола, заради лична безбедност и спречување натамошно ширење на пожарите кои поради високите температури и ветерот има огромна можност од појава на нови пожари.
-Пожарот кај Нов Истевник е сè уште активен. Доколку има доброволци кои сакаат да се приклучат во акцијата за борба со пожарите, можат да се пријават во ТППЕ Делчево. Општина Делчево има обезбедено доволна количина потребна опрема и алат за гаснење шумски пожари, а обезбедено е и храна и вода, порача Трајковски.
Синоќа во акција координирана од градоначалникот Трајковски, беа евакуирани стари и изнемоштени лица од Маалото Пасјак со цел да се избегне опасноста од загорозување човечки животи.
Од денеска стапува во сила целосна забрана за движење во шумските предели низ државава.
Ново на Сител
-
Во Батинци загина пешак откако бил удрен со возило
-
Израелските војници убиле висок командант на Хамас на Западниот Брег
-
Мицкоски за оставката на Комисијата за помилување: По направена грешка, ако се превземе одговорност, тогаш тоа е доблесно
-
Грција ја следи ситуацијата со балканската рута и поради опасноста меѓу мигрантите да има борци од Хамас
-
Путин: Разгледуваме одговори доколку НАТО и дозволи на Украина да користи ракети со долг дострел
-
Модриќ стана најстариот играч во историјата на Класико
-
Во Владата ќе биде потпишан договорот од првата транша од 250-те милиони евра наменети за општините
-
Државата троши нешто повеќе од 1 500 денари по глава на жител за правосудството