Грција се подготвува за ново невреме
Новото невреме што го доби името „Илиас“ се очекува од денеска до среда да ја зафати Грција, ообено централниот дел на земјата погоден од претходното невреме Даниел“, од кое сè уште не се целосно санирани штетите, јави дописничката на МИА од Атина.
Од бројот 112 за итни случаи, вчера беше испратена предупредувачка порака за опасни временски појави до жителите во поширокиот регион на областите Тесалија, Фтиотида, северниот дел на Евија и Спорадските острови и беше побарано во следните два дена да ги ограничат нивните движења и да ги следат упатствата од властите.
Министерот за климатска криза и цивилна заштита Василис Кикиљас вчера беше во Лариса каде што одржа состанок во пресрет на новото невреме и беше одлучено во областа Тесалија, што беше погодена од претходното невреме, од денеска до среда да бидат затворени јавните служби и училиштата.
Паралелно, како што соопштија од надлежното Министерство, државниот механизам е во зголемена готовност.
Ново на Сител
-
Пронајдени над 50 килограми марихуана во Демирхисарско, приведено едно лице
-
Црвениот крст на РСМ ги повикува македонските граѓани да донираат средства за настраданите во БиХ
-
Нормализиран сообраќајот на патот Струмица - Валандово
-
Премиерот Мицкоски ќе присуствува на официјалното отпочнување на надградба и реконструкција на граничниот премин Деве Баир
-
Утре литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан
-
Најмногу дожд наврнат во Пожаране и Лазарополе
-
ЦУК: 2 028 повици изминатото деноноќие, три пожари на отворено
-
Приоритет на Владата е поддршка на македонското земјоделство: Историски највисока цена за грозјето, исплатени заостанати плати и субвенции