Протести низ арапскиот свет по петочната молитва

Илјадници Ирачани се собираат во Багдад за поддршка на Палестинците во Газа.

„Овој митинг има за цел да го осуди она што се случува во окупирана Палестина, крвопролевањето и кршењето на правата“, изјави Абу Кајан, еден од организаторите, за француски медиуми. 

Тоа е само еден од неколкуте собири планирани за денеска ширум Блискиот Исток, откако високи претставници на Хамас и Хезболах ги повикаа луѓето да протестираат по петочната молитва. 

Поранешниот лидер на Хамас Калед Мешал вчера ги повика луѓето „да одат на плоштади и отворени простори низ арапскиот и исламскиот свет“ за да искажат солидарност. 

Денеска се очекуваат неколку вакви собири во Либан, Тунис и Јордан каде веќе има голем протест во момент кога во таа држава на посета е американскиот државен секретар Ентони Блинкен, јави Би-Би-Си. 

Безбедносните сили, исто така, се подготвени за немири во џамијата Ал Акса во окупираниот Источен Ерусалим.