Насилниците во М-НАВ поминале 3 бариери на обезбедување, Незири во контролната кула ги внел со своја картичка
Насилниците на Беким Незири поминале 3 бариери на обезбедување – портата во дворот на М-НАВ, влезната врата во зградата каде што пристап имаат само тие што имаат електронска картичка и во контролната кула каде што нема можност за движење без придружба. Но бандитите се движеле со Беким Незири од ДУИ, вработен во М-НАВ. Беким Незири е претседател на партискиот огранок на ДУИ во Чаир. Тој во време на владејачката коалиција на ВМРО-ДПМНЕ и ДУИ беше на неколку високи политички функции, пренесува САКАМДАКАЖАМ.МК.
Според сведоци, како што пренесува порталот, Незири ги внел насилниците директно во радарската соба, отворајќи им со неговата електронска картичка. Таму се случил физички напад на дел од нив, затоа што излегле да му дадат поддршка на Тасевски, но и да изразат протест против самоволието на менаџментот предводен од директорот Фахрудин Хамиди.
Како што пишува порталот, во радарската соба има сигурносни камери, но контролорите на летање веднаш направиле копии од снимките плашејќи се дека некој од менаџментот може да ги избрише. При сличен ваков инцидент во 2010, во кој напаѓач исто така бил Незири, снимките од сигурносните камери биле избришани.
За нападот се интересирале и странските амбасади, а некои од нив го покренале прашањето како овој напад би се одразил на безбедноста на воздухопловите на НАТО.
Ново на Сител
-
Селимоски го засилува амбициозниот тим на Стрипфинг
-
Голманот кој стана прв министер за спорт | Борко Ристовски | Неформално | Sitel Podcast 052
-
Зголемено движење на возила на Табановце
-
Активни уште две жаришта од големиот пожар на Огражден
-
Четворица малолетници пронајдени во бесознание во куќа во Скопје - итно пренесени на Токсикологија
-
СВР Скопје: 24 годишното момче од Ченто се самозапалило, но никој не го принудил, ниту бил киднапиран
-
Балансерот ќе биде укинат, во Министерството за администрација 43% од вработените се од етничките заедници
-
Двата „Ер трактор“ авиони на ДЗС се вклучуваат во гаснењето на пожарите во Неготинско