ЕУ повикува сите актери на Блискиот Исток да работат на деескалација на тензиите
Европската Унија добива различни извештаи, но нема официјална потврда за наводен напад, изјави денеска портпаролот на Европската комисија за надворешни работи и безбедносна политика Петер Стано запрашан за став на ЕУ во врска со информациите дека изминатата ноќ е извршен напад врз Иран.
– Има извештаи оти нешто можеби се случило, но не слушнавме официјална потврда од оние што наводно се инволвирани дека тоа и се случило. Тешко е да се даде официјална политичка изјава за нешто зад кое всушност никој не стои, одговори Стано на забелешка дека ЕУ жестоко реагирала на иранските напади врз Израел изминатиот викенд, па дури најави и санкции кон Иран, а нема таква реакција за „нападот за кој изгледа дека е извршен од Израел“.
Според Стано, врз основа на она што може да се види на теренот, ЕУ гледа знаци на обиди кои водат и насочуваат кон ескалација на состојбата.
Бриселскиот договор склучен меѓу Белград и Приштина е валиден како и сите останати спогодби постигнати во рамки на дијалогот што се води со посредство на ЕУ, изјави денеска портпаролот на Евр
– Пред два дена лидерите на ЕУ упатија многу јасна порака до партнерите во регионот да се воздржат од ескалација и овој повик целосно важи и денеска, истакна Стано.
Тој потсети дека и високиот претставник на ЕУ за надворешна политика и безбедност Жосеп Борел во неколку наврати повтори дека регионот на Блискиот Исток е на работ на амбис и мора да се преземат чекори на воздржаност, бидејќи во спротивност може да дојде до целосна конфронтација од која никој не би имал полза.
Стано додаде дека ЕУ ги повикува сите актери во регионот да спречат ескалација во услови на и онака тензичната ситуација и да се посветат на решавање на други прашања, како оние поврзани со заложниците киднапирани од терористите на Хамас и со Палестинците кои страдаат во огромната хуманитарна криза во Газа.
– Тоа се главите приоритети на кои треба да се фокусира целата меѓународна заедница и за тоа ќе разговараат министрите од ЕУ на следниот редовен Совет за надворешни работи в понеделник, додаде Стано.
Ново на Сител
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник
-
Директорка на државен ученички дом во Битола проневерила 202.500 денари
-
Починат работник донесен во Ургентниот центар во тетовската болница