Бугарите со ќотек се бранат од мигрантите: Стотина тепачи тргнаа во акција

Група тепачи од Бугарија секој викенд после работа тргнуваат во „лов на бегалци“ во оваа земја за што сведочат и снимките објавени на ЈуТјуб.

„Бугарски тепачи бркаат бегалци“ е насловот на текстот објавен во германски Билд за ситуацијата во Бугарија, или како што пишува на почетокот на текстот „на новата балканска рута“.

Весникот следел тројца членови од „патролата“ во ридското подрачје на Странџа на бугарско-турската граница. Тие се викаат: Јуриј, Иван и Дано и носат маскирни униформи и војнички чизми.

Тие тројцата бараат инвазивни групи - односно не го споменуваат зборот „бегалци“. Јуриј, движејќи се низ грмушките бесно говори: „Сите ги повика Германија. Но оние кои ние ќе ги фатиме, ги враќаме назад во Турција, пишува весникот.

Бидејќи бугарско-турската граница е долга 260 километри, а само половина е обезбедена со ограда, криумчарите и бегалците имаат лесна работа. Има денови кога во земјата влегуваат повеќес стотици луѓе кои сакаат да го продолжат патот кон Германија, пишува Билд.