Девет сообраќајки во Скопје изминатите 24 часа, пет лица повредени
Сообраќајната полиција во текот на вчерашниот ден на подрачјето на Скопје изврши увид на вкупно девет сообраќајни несреќи. Во пет од нив со полесни повреди се здобиле пет лица, а во четири причинета е само материјална штета.
Како што информираа за МИА од СВР - Скопје, во текот на изминатиот ден по спроведените контроли над учесниците во сообраќајот од страна на сообраќајната полиција, откриени и санкционирани се поголем број прекршоци.
Санкционирани се тројца возачи кои го управувале возилото под дејство на алкохол, четворица возачи поминале на црвено светло на семафор и 22 возачи кои го управувале возилото без возачка дозвола.
Затекнати се 52 непрописно паркирани возила и 11 пешаци кои поминале вон обележан пешачки премин, односно поминале на црвено светло на семафор.
Со помош на специјалното возило пајак, во текот вчерашниот ден отстранети се 71 возило кои во поголема мера го попречувале нормалното одвивање како пешачкиот, така и моторниот сообраќај.
Во рамките на проектот „Да ги заштитиме децата во сообраќајот“ денеска Одделението за превенција при СВР Скопје ќе реализира едукативни работилници во ООУ „Лазо Ангеловски“ со учениците од второ одделение, кое се наоѓа на подрачјето на општина Аеродром.
Во делот на превентивните активности денеска, како што информираат од од СВР - Скопје, ќе се одржи и едукативна работилница во автобус на ЈСП со учениците од второ и трето одделение од ОУ „Ј.Х. Песталоци“, општина Центар.
Ново на Сител
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник
-
Директорка на државен ученички дом во Битола проневерила 202.500 денари
-
Починат работник донесен во Ургентниот центар во тетовската болница