Дваесет и пет години од потпишувањето на Договорот од Мастрих

На денешен ден пред 25 години во холандскиот град Мастрих потпишан е Договорот за Европска унија, од страна на тогашните министри за надворешни работи на Германија, Ханс - Дитрих Геншер и министерот за финансии, Тео Вајгел.

Договорот со кој е создаден нов политички ентитет - ЕУ стапи во сила на 1 ноевмри 1993 година. Договорот од Мастрих настана по распадот на Советскиот Сојуз и обединувањето на Западна и Источна Германија. 

ЕУ е опишана е како ентитет составен од три столба: првиот столб има три постоечки Европски заедници - Европска заедница за јаглен и челик, Европска економска заедница и Европска заедница за атомска енергија.

Вториот столб е составен од систем на заеднички надворешни и безбедносни политики, а третиот ја опфаќа сферата која се однесува на правосудството и внатрешната политика.

Со овој Договор наложено е воспоставување на монетарна унија со посредство на воведување на единствена валута во три чекори, најдоцна до 1 јануари 1999 година.

Со Договорот за ЕУ земјите членки означија нова етапа во интегрирањето на „народите од Европа“ во се поцврста Унија, во која одлуките се донесуваат што е можно поблиску до граѓаните.

Со Договорот е зајакната улогата на Европскиот парламент во законодавниот процес и се воведува постапка на коодлучување, се прошируваат подрачјата во кои се одлучува со квалифицирано мнозинство и начелото на субсидијарност (второстепено одлучување) се поставува како општо начело на ЕУ.