ОМД побара Рама да се извини за таканаречената шега „Иднaта Западна Бугарија“
Обединетата македонска дијаспора (ОМД) – водечки глас за Македонците надвор од Македонија – ја осудува таканаречената шега „Иднината Западна Бугарија“ на албанскиот премиер Еди Рама и повикува на негово итно извинување до Македонија и Македонскиот народ.
За време на Самитот на шефови на држави и влади на земјите-членки на процесот за соравботка на Југоисточна Европа (ПСЈИЕ), за време на претставувањето на македонскиот премиер Димитар Ковачевски со Германецот Канцеларот Олаф Шолц, а пред грчкиот премиер Киријакос Мицотакис, Рама „на шега“ го нарече Ковачевски како лидер на „ Иднината Западна Бугарија“.
Овој инцидент докажува дека земјите членки на ЕУ мораат да ја заштитат и примат Македонија во своето заедништво имајќи ги предвид непријателските намери на соседните држави.
Во време кога односите меѓу Македонија и Бугарија се на историски најниско ниво и Бугарија ирационално го блокира членството на Македонија во ЕУ поради историјата и идентитетот, „шегата“ на Рама е потполна невкусна и не е иронична или саркастична како што тој подоцна објави на Твитер, туку е бесчувствителна и крајно навредлива.
Револтот кај македонското општество е потполно легитимен, а не хистерија како што изјави Рама.
Неискусната реакција на Ковачевски смеејќи се на коментарот, без никаква реакција покажува дека нацијата е лесно манипулативна за да одговара на потребите на нејзините соседи. Сме сведоци на претходни нечувствително однесување од страна на Рама, се чини дека Рама намерно ја искажува неговата „шега“ и ја исмева својата македонска договорна страна.
Во Албанија, претставниците на бугарското Министерство за надворешни работи имаат слобода да ги заплашат членовите на македонското малцинство и да извршат притисок да се декларираат како Бугари со враќање за државјанство на ЕУ преку Бугарија, без никаква осуда од Албанците и владините претставници. Рама наведува дека нема проблеми со мешање во внатрешните работи на другите, со оглед на сопствената иницијатива „Тиранска платформа“ од јануари 2017 година.
Ставовите на бугарската политичка елита се дека Македонија не е ништо друго освен западна бугарска територија, дека Македонците не се ништо друго освен западни Бугари и дека на Македонскиот јазик е бугарски.
Во 2009 година, тогашниот грчки министер за култура, кој подоцна стана премиер Андонис Самарас изјави „Времето е на наша страна“. „Верувам дека Скопје нема да опстане како независна држава и дека Грција нема од што да се плаши од создавањето на „Голема Албанија“ и „Голема Бугарија“.
Соседите на Македонија постојано го оспоруваат македонското право на само-определување. Идеите за „Големото“ се живи. „Шегата“ на Рама ја повторува потребата од Македонската политичка елита да созрее и стои зад националните ставови.
Обединета македонска дијаспора (ОМД)
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова