Османи: Да покажеме единство во осудата на агресијата, и поддршка на Украина
Одржувањето на НАТО-министерски состанок во Букурешт, за нас има и друга симболика – во 2018 тука чекавме да станеме членка на НАТО, а денеска доаѓаме како членка, истакна министерот за надворешни работи Бујар Османи пред почетокот на состанокот на Северно-атлантскиот совет, на ниво на министри за надворешни работи, кој се одржува денеска и утре во Букурешт.
– Симболиката дека се одржува НАТО- министерски состанок во Букурешт значи дека НАТО испраќа силна порака дека регионот на Црното море е од стратешки интерес на Алијансата. Пораката е да покажеме единство, кохезија во делот на осудување на агресијата, во практичната поддршка на Украина, но се разбира и во засилување на капацитетите во одбрана на источното крило на НАТО каде што припаѓаме и ние, рече Османи.
Министерот потенцира дека ние не само што покажавме дека сме партнери во кои може да се има доверба, туку покажавме и апсолутна недвосмисленост во однос на осудата на агресијата и поддршката за Украина.
На новинарско прашање зошто Косово не учествува на овој НАТО-министерски состанок, Османи рече дека на оваа средба се повикани земјите кои во моментов се најранливи на руското влијание. Посочи дека Северна Македонија го поддржува зачленувањето на Косово во НАТО.
– Овој пат тие земји се Молдавија, Грузија и Босна и Херцеговина. Но, се разбира, ја поддржуваме кандидатурата на Косово за членство во НАТО. На оваа средба се повикани земјите кои во моментов се најранливи на руско влијание, рече Османи.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка