Пет воза со мигранти денеска од Гевгелија заминале кон Табановце
Од железничката станица во Гевгелија кон Табановце денеска се упатиле три редовни и два вонредни воза со мигранти.
Возовите, како што истакнуваат вработените во Железничката станица имаат капацитет за превезување од 100 до 700 лица.
Во моментов на станицата во Гевгелија има од 100 до 200 мигранти. Некои од нив вадат билети, а останатите го чекаат утринскиот воз кој поаѓа во 5 часот и 15 минути.
Според очевидци, денеска полицијата, контролирано, во неколку наврати пуштала по 200-300 мигранти кои од дивиот премин на македонско-грчката граница се упатувале кон железничката станица во Гевгелија, а оттаму патот го продолжуваат кон граничкиот премин Табановце и македонско-српската граница.
Припадници на АРМ вечерва поставуваа дополнителна заштитна ограда. Мигрантите на неколкупати се обидоа да ја преминат граничната линија, но беа спречени од полицискиот безбедносен кордон кој беше поставен. Со помош на претставниците на УНХЦР и преведувачите на арапски јазик на мигрантите им беше посочено дека вечерва треба да преспијат таму каде што се, и оти утре изутрина ќе бидат пропуштени.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o