Почна рокот за поднесување барања за субвенции за поставување плински уреди во возилата
Во следните 30 дена сите возачи што сакаат да стават плински уреди во своите автомобили, ќе може да аплицираат за субвенции во Министерството за економија. Рокот за поднесување барања почна вчера, а процедурата, како што објасни денеска ресорниот министер Крешник Бектеши, е многу едноставна.
-Потребно е само да се достави барање до Министерството и да се извади нова сообраќајна дозвола во која ќе стои дека возилото не користи бензин или дизел, туку плин, рече Бектеши на прес-конференција.
Според него, ќе се субвенционираат 50 отсто од трошоците за вградување плински уреди, но максималната сума што може да ја добие апликантот е 18.000 денари.
Со поддршката се обезбедени 15 милиони денари или по 250 – 300 евра за околу 800 – 900 возила.
-Мерката ја најавивме во август годинава, а средствата се обезбедени со ребалансот на Буџетот. Министерството за економија веќе формира и Комисија надлежна за распределба на поддршката со цел што побрза реализација на мерката. Со ова, и ние на некој начин се вклучуваме во Планот за чист воздух и сакаме да придонесување во намалување на загадувањето, подвлече Бектеши.
Тој потсети и дека догодина треба да стартува еколошкото категоризирање на возилата.
Ново на Сител
-
Штети во Свети Николе и Неготино поради невреме, четири пожари на отворено, известува ЦУК
-
Израел планира да ја користи сателитската интернет услуга Старлинк во случај на конфликт со Хезболах
-
Министерот Муцунски ја продолжува посетата на Брисел со средби со претставници на ЕУ
-
Промоција на нов електронски дневник за работа на училиштата
-
ХРТ: Се е подготвено за воведување задолжителен воен рок
-
Американскиот суд го ослободи Асанж по спогодбата за признавање вина
-
Русија и Украина разменија по 90 затвореници
-
Претпладне сончево, попладне пороен дожд, грмежи и силен ветер