Продолжува посетата на Сиљановска-Давкова на Берлин на Конференцијата за обнова на Украина
Претседателката Гордана Сиљановска Давкова ја продолжува посетата на Берлин, Сојузна Република Германија, каде што учествува на Конференцијата за обнова на Украина.
На конференцијата, чии домаќини се германскиот канцелар Олаф Шолц и украинскиот претседател Володимир Зеленски, учествуваат шефови на држави и влади, претставници на меѓународни организации, на бизнисот и на граѓанскиот сектор.
Сиљановска Давкова вчера се обрати на главниот панел за шефови на држави и влади на којшто говореа и домаќините на конференцијата, германскиот канцелар Олаф Шолц и украинскиот претседател Володимир Зеленски, а свое обраќање имаше и претседателката на Европската Комисија, Урсула фон дер Лејен.
На главниот панел присуствуваа и претседателите и премиери од Холандија, Норвешка, Финска, Литванија, Молдавија, Естонија, Босна и Херцеговина, Црна Гора, Грузија.
Претседателката Сиљановска Давкова во своето обраќање рече дека по Втората светска војна, Маршаловиот план, меѓу другото, беше израз на солидарност кон разрушената Европа, а денес, како што нагласи, е неопходен нов вид Маршалов план за разрушената Украина.
Според претседателката, неопходно е инвестирање не само во патната и во енергетската инфраструктура, туку и во човечката, образовна, социјална и нормативна инфраструктура.
На сесијата, позитивно била оценета постоечката заедничка европска позиција дека треба да продолжи сеопфатната помош за Украина.
Конференцијата е продолжение на серијата годишни настани на високо ниво посветени на брзо закрепнување и долготрајна реконструкција на Украина, по почетокот на руската воена агресија. Клучна цел на настанот е да се обезбеди континуирана меѓународна поддршка за обнова, реконструкција, реформи и модернизација на Украина, соопшти Кабинетот на претседателката Сиљановска Давкова.
Ново на Сител
-
Адвокатот кој стана министер за внатрешни работи | Панче Тошковски | Неформално | Sitel Podcast 059
-
Мајка го тепала синот и кршела по дома, таткото пријавил во полиција
-
Пронајдени куршуми во двор на гостиварско училиште
-
Силувана малолетничка која била пријавена за исчезната
-
Се утврдуваат причините за смртта на родилката од Куманово, новороденчето префрлено на скопските клиники
-
Голем пожар во фабриката за ајфон на компанијата Тата во Индија
-
Израелска армија: Убиен лидерот на Хезболах, Хасан Насралах
-
Британската влада ги повика своите граѓани веднаш да го напуштат Либан