РХЗО: Невремето над Србија со енергија на термонуклеарна бомба
Невремето пропратено со град што зафати делови од Србија имаше енергија на термонуклеарна бомба, а против таа природна непогода беа истрелани 990 противградни ракети, изјави директорот на српскиот Републички хидрометеоролошки завод (РХЗО), Југослав Николиќ.
Како што јави дописникот на МИА од Белград, Николиќ истакна дека невремето, што ја зафати Србија пред два дена и кое не е типично за овие простори, е предизвикано од циклон кој се движел од Медитеранот кон Балканот.
-Се создадоа најмоќни можни облаци од бура и градоносни облаци, суперќелијски кумулонимбуси, со врвна висина од над 16 километри, бурен ветер, поројни дождови и град, објасни Николиќ за РТС.
Според него, градот е природна непогода што не може да се спречи со какви било средства и штетата нанесена пред два дена би била поголема доколку не беа истрелани противградните ракети.
-Беа истрелани 990 ракети од осум противградни центри. Во Крушевац беа истрелани 610 ракети, што е апсолутен рекорд во последните 40 години на таа станица, рече Николиќ.
Тој оцени дека невремето ја зафатило третина Србија или околу 2,5 милиони хектари.
-Од 2,5 милиони погодени подрачја, ние лоциравме градоносни езгра, односно 992.000 хектари, што е област која сигурно ќе беше оштетена доколку немаше заштита, рече Николиќ.
Тој додаде дека штетата сега се мери во промили, иако на одредени места е апсолутна и драматична за лицата чии имоти беа погодени.
Ново на Сител
-
Од утре до 9 август во Косово ќе се менуваат српските возачки дозволи
-
Од утре до 9 август во Косово ќе се менуваат српските возачки дозволи
-
Девет години од настаните од „Диво Насеље“
-
Вучиќ и ја честита изборната победа на Сиљановска-Давкова
-
Евроамбасадорот Гир ја честита победата на Сиљановска-Давкова
-
Инаугурацијата на новиот претседател треба да биде најдоцна на 12 мај, кога истекува мандатот на Пендаровски
-
Новиот состав на Собранието треба да се конституира најдоцна 20 дена по изборите
-
Битиќи соопшти дека поднесува оставка од функцијата потпретседател на СДСМ