Русија испраќа нови подморници во Средоземно Море

Најновите големи дизел подморници „Колпино“ и „Голем Новгород“ допловија во Средоземно Море и ќе бидат дел од постојаната единица на воената морнарица на Русија, изјави денеска претставникот на Црноморската флота, капетанот Вјачеслав Труханов.

- Подморниците се движат под вода како придружба на спасувачкиот реморкер (брод-влекач) на Балтичката флота СБ-921, истакна Труханов.

Станува збор за петта и шеста серија подморници на Проектот 636.3, кои се произведени за Црноморската флота. Подморницата „Голем Новгород“ и е предадена на Воената морнарица на Русија во октомври минатата година.

Руското Министерство за одбрана соопшти дека двете подморници можат да носат екипаж од 50 членови, опремени се со нови навигациски системи, како и со системи за целосна автоматска контрола, ракети со голема прецизност и моќни лансери.