Рускиот олигарх Алшар Усманов го тужи дисидентот Алексеј Навални
Рускиот олигарх Алшар Усманов соопшти дека поднел тужба против дисидентот Алексеј Навални, за „навреда и за повреда на неговиот углед“, откако на Интернет објави дека еден од имотите на милијардерот во Русија се обезбедени со давање поткуп.
Во изјава која е емитувана на Јутјуб, Навални тврди дека една руска фондација, која е поврзана со премиерот Дмитриј Медведев добила во сопственост куќа од Усманов, за да се реализира зделка со недвижен имот.
Усманов чие богатство, според американското списание „Форбс“ се проценува на 14,7 милијарди долари, поседува компании и фирми во индустријата со челик и во телеком бизнисот, а е сопственик и на англискиот фудбалски клуб „Арсенал“ од Лондон.
Во изјава за рускиот деловен весник „Ведомсти“ Усманов рекол дека не станува збор за поткуп, туку за обична размена на добра - легализацијата на имотот што сега го има на располагање и тврди дека го „платил“ со давање една негова куќа и земјиштето на кое е подигната.
Рускиот нагласи за весникот дека и вредноста на двете недвижнини била приближно иста, по околу 50 милиони долари.
Навални кој е правник по професија изјави за руските медиуми дека на судењето како сведок ќе го повика рускиот премиер Медведев.
Неговата видео изјава предизвика протести во Москва и во уште десетина други руски градови во кои се демонстрираше против, како што се извикуваше, раширената корупција во земјата.
Навални најави дека ќе се кандидира за претседателските избори во Русија, идната година. Изминатите години тој на неколкупати беше уапсен и изведен на судење, на процеси на кои добиваше затворски казни до пет години, а за кои тој вели дека се политички мотивирани.
Ново на Сител
-
Владина делегација положи цвеќе на партизанските гробишта во Бутел, во чест на 9 Мај
-
Српските медиуми за изборните резултати и победата на ВМРО-ДПМНЕ и Гордана Сиљановска Давкова
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ